"රජීගේ සන්නසට සාදරයෙන් පිලිගනිමු!!!-WELCOME TO SANNASA!!!"

ගීයක සුලමුල 5 - උතුරින් එන දුම්රියදේවී.........


කාලෙකින් ආයෙත් බ්ලොග් එකට ලියන්න එන්න උනේ.පහුගිය කාලේම විභාග කටයුතු නිසා ඒ වැඩේ මග ඇරුනා.කොහොමහරි ගීයක සුලමුල කියලා පහුගිය කාලේ ලියපු ලිපි ටිකට හොඳ ප්‍රතිචාර තිබුනු නිසා හිතුනා තවත් මේ වගේ සින්දුවක් හැදෙන්න පසුබිම් උනු සිදුවීමක් ගැන ලියන්න.අද මම ‍තෝරගත්තු ගීතය තමයි කරුනාරත්න දිවුල්ගනේ ගායකයා ගායනා කරන උතුරින් එන දුම්රියදේවී කියන ගීතය.ගීතයේ පදමාලාව ප්‍රවීන ගීත රචක මහින්ද චන්ද්‍රසේකර.මෙතුමා පහුගිය දවසක අපේ සරසවියට ආවා ගී රස වින්දන වැඩසටහනකට.ඉතින් මම මේ සින්දුවෙ සුලමුල හොයාගත්තේ ඔය වැඩසටහනෙන් තමයි.එතුමා මේ ගීයට හේතු සාදක වෙච්ච සිදුවීම ලස්සනට විස්තර කලා.


එතුමා ඉපදිල තියෙන්නේ අනුරාධපුර දිස්ත්‍රික්කේ ඔයාමඩුව කියන ගමේ.කොහොම හරි එතුමගේ තරුන කාලේ යම් අවදියක උතුරයි දකුනයි එක විදියට ඇවිලුනාලු.සිංහල දෙමල කලකෝලාහල නිසා.මේ නිසා එවකට හිටපු ජනාධිපතිතුමා වහාම නියෝග කරලා උතුරට දුම්රිය යැවීම නවත්තන්න.මේක හන්දා කෝච්ච්චි ඇවිත් අනුරාධපුරේ ස්ටේශන් එකේ නවත්තනවා,ආපහු කොලඹට යනවලු.දැන් ඔහොම මාස ගානක් යන කොට ටික ටික ආපහු ආරවුල් එහෙම අඩුවෙලා.ඉතින් ආයේත් තහංචිය නැතිකරලා.යාල්දේවී ආයෙත් යාපනයට යන්න පටන් අරන්.දැන් ආපහු බඩු මුට්‍ටු සෙනග පුරවගෙන යාල්දේවී යාපනේ ඉඳන් කොලඹ එනවලු.මෙහෙම කෝච්චිය එන වෙලාවක අපේ ගීපද රචකයත් අනුරාධපුර දුම්රිය නැවතුම්පලේ පදික වේදිකාවට වෙලා ඉන්නවලු.දැන් කාලෙකට කලින් ගහමරාගත්තු හැමෝටම ඒ ඔක්කොම අමතක වෙලා.මිනිස්සුන්ගේ හැටි එහෙමයි..කාලෙකට පස්සේ නැයො දැක්ක වගේ ඔක්කොම හිනාවේවී පදික වේදිකාඅවේ එහෙ මෙහෙ යනවලු.මේ වෙලේ අපේ ගීත රචකයා මහින්ද චන්ද්‍රසේකරයන් අහම්බෙන් වගේ දැකලා තියනවා නවත්තලා තියෙන දුම්රියේ කවුලුවක් ලඟ වාඩිවෙලා ඉන්න බොහොම සුන්දර ද්‍රවිඩ තරුනියක්.පද රචකයගෙම වචන වලින්  කියනව නම්

 "මේ කාලේ අසූ තුනේ අවුරුද්ද...අද ඊයේ වගේ නෙවෙයි..මමත් ඉතින් එච්චර වයස නැ....මේ තරුනිය බොහොම ලස්සනයි...කොන්ඩේ සමන් පිච්ච මල් ගහලා....කනට තිරුවංගල් දාල...මාලෙට මූකු ‍තෝඩු දාල "

ඉතින් මේ ලස්සනට වශී වෙලා අපේ කතානායකයත් ඇය දිහා බලං ඉන්නකොට එකපාරම ඇය ඔහු දිහා බලලා.ඒත් දැකපු ගමන් මේ ගැනු ලමයා රවලා අහක බලාගෙන.මෙහෙම උනා විතරයි පද රචකයට උතුර දකුන මාරු වෙලා.මේ වෙලේ මෙතන හිටපු දම්මික චන්ද්‍රසේකරයන්ගෙ යාලුවා මේ ඔක්කොම සිදුවීම් පෙල දැකලා.ඉතින් එයා කියලා තියෙනවා..."ගනන් ගන්න එපා.කෙල්ලො ඔහොම තමයි..."කොහොම උනත් මේ සිදුවීම පද රචකයට එක පාරට අමතක කරන්න බැරිවෙලා.එතුමට මේ කාන්තාවට කියන්න ඒ මොහොතේ ගොඩාක් දේවල් හිතට ඇවිල්ල.පස්සේ තමයි මේ දේවල් මතක් වෙලා තියෙන්නේ.ඒත් ඔක්කොටම වෙලාව පරක්කු වැඩී.මොකද ඒ වෙනකොට කෝච්චිය පිටත් වෙලා.ඒ සුන්දර දෙමල තරුනියට කියාගන්න ගොඩක් දේවල් තිබුනයි කියපු ටික වැඩිදුරටත් එතුමා විස්තර කරනවා මෙහෙම

  "එක්දහස් අටසිය දහ අටේ ඌවේ මහ කැ‍රැල්ල හොඳට පැරදුනා.කැප්පෙටිපොල ඇතුලු ප්‍රධානම කැරලි නායකයො මිහින්තලේ ඉන්න ඇති,අපේ ගම වැද්දා කඳේ ඉන්න ඇති, මේ නායකයෝ ඔක්කොම ‍රැකවරනය ලබාගත්තේ  මේ කැලැවල් වලට ඇවිල්ල. ඒ වෙලාවේ පිලිමතලාවේ නිලමෙගෙ කකුලේ තුවාලයක් හැදිලා පයින් යන්න බැ.දෝලාවක තියලා උස්සගෙන යන්න ඕනි.දැන් යන්නේ අනුරාධපුරේ මැදින්.මෙහෙම යනකොට එකතැනකදි එතුමා කැගහලා කියනවා "ඔය දෝලාව බිම තියපන්. මේ දුවන්නේ බයේ කොයි වෙලේ සතුරන්ට අහුවෙයිද දන්නේ නැ."කියලා එතුමා දෝලාවෙන් බහිනව.බැහැල එතුමා  පයින් යනවා.මෙහෙම යනගමන් එතුමා කියනවා "අපි සිංහලයො..කවදාවත් මෙතනින් දෝලාවක පූනමක පල්ලැක්කේක ,ඇතුන් අසුන් පිට ගිහින් නැ. " එහෙම යන්න එපැයි කියලා නීතිය දැම්මේ ක්‍රිස්තු පූර්ව එකසිය හැට එකේ දු‍ටුගැමුනු රජතුමා. ඇයි?..එතන තමයි එලාරගෙ සොහොන.ක්‍රිස්තු පූර්ව එකසිය හැට එකේ ඉඳලා ක්‍රිස්තු වර්ශ එක්දාස් අටසිය දහාට දක්වා මේ නීතිය ආරක්ශා කරපු,ඒ මැරිච්ච සතුරට ගරු කරපු,අපි හොඳ මිනිස්සු නෙවෙයිද? අපට රවන්න වටිනවද?"

මේ කතන්දරේ එතුමට කියන්න ඕනිවෙලා තිබිලා.ඒත් මේ කියාගන්න බැරිඋන ඔක්කොම මෙතුමා එදා රාත්‍රියේම ගී පද පෙලකට පෙරලනවා උතුරින් එන දුම් රියේ දේවී කවුලුව ලඟට වෙලා...නොරවන් මට දේවී නැත මා කිසි වරදක් කරලා...මේ ගීතයේ දෙවෙනි අන්තරා කොටසක තියනවා ගම හැරදා නුඹ ගියදා...කෝවිල් යන හිත වැලපෙන්නේ..කියලා ආරම්බයක්.මේ පද ටිකටනම් මේ සිදුවීම කිසිම සම්බන්දයක් නැ.ගීතයේ අලංකාරය තවත් වචනෙන් විස්තර කරන්න එකතු කර ගත්තු යෙදුමක් තමයි ඒක.කොහොම හරි මේ ගීතයේ නාද මාලවත් දුම්රියක හඬ ඉස්මතු කරනවා.මේ ඔක්කොමත් එක්ක කරුනාරත්න දිවුල්ගනේ ගායකයානන්ගේ ගී හඬට එකතු වෙලා අවසානයේ සාර්තක ගීතයක් නිර්මානය වෙලා තියෙනව කියලා කියන්න පුලුවන්...

ගීතය:

උතුරින් එනදුම්රියෙ දේවී
කවුලුව ලඟට වෙලා//
නොරවන් නැත දේවී නැත මා
කිසි වරදක් කරලා...

මාල ‍තෝඩු තාලි සිලම්බු
අමනාපෙන් අහක බලන්නේ
ඔය නෝක්කඩූ බැලුම් යටින්
සෙනෙහස දෝ හඬා වැටෙන්නේ...

ගම හැරදා නුඹ ගියදා
කෝවිල් යන හිත වැලපෙන්නේ//
අපි දෙවියන් සමගයි තව ඉන්නේ
සිනාසි සිසී බිමට බහින්නේ...

උතුරින් එන දුම්රියෙ දේවී.....

ඔන්න ඔහොමයි ඒ කතාවත්.ඉවර වෙනකං කියවපු අයට නිකම්ම යන්නේ නැතුව කමෙන්ට් එකකුත් දාල යනවනම් හොඳයි කියලා තමයි කියන්න තියෙන්නේ..ඊලගට ලියන්න හිතාගෙන ඉන්නේ සුනිල් එදිරිසිංහ ගයන පැන මඩ කඩිති වැව් තාවුල් වැහි කාලේ ගීතයට පසුබිම් උනු සිදුවීම් පෙල.බලමු ඒකත් මේකෙ ප්‍රතිචාරත් එක්ක.මම ලියපු පහු ගිය ගීයක සුලමුල ලිපිටික බලන්න බැරි උනා නම් ඔන්න ඒ ටිකත් පහලින් දැම්ම.


එහෙනම් මම ගියා.ඔක්කොටම ජය වේවා!!!

ගඩා‍ෆිගේ මරනය සහ බටහිර රටවල හැසිරීම....



පසුගිය කාලය තුල ලෝක දේශපාලනය උනුසුම් කල මාතෘකාව වූයේ ලිබියානු නායක කර්නල් මුහමර් ගඩා‍ෆිගේ අවසානයයි.ලේ වැගිරීමකින් තොර වූ හමුදා කුමන්ත්‍රනයකින් මීට අවුරුදු 42කට පෙර ලිබියාවේ පාලක බලය සියතට ගත් ගඩා‍ෆිගේ අවසානය ලේ වැගිරීමකින් කෙලවර වේ යයි ඔහු කිසි විටෙක නොසිතන්නට ඇත.නමුත් සියලු දේ සිදුවී හමාරය.නියත බලය නියත වශයෙන්ම විනාශ වන බව පසක් කරමින් අවසානයේ බලය සිඳී බිඳී ගොස් ගඩාසිට තම ජීවිතයෙන් වන්දි ගෙවීමට සිදුවීම දෛවෝපගතය.පසුගිය දින කීපයේම ගඩා‍ෆි ගාථනයට සම්බන්ද වාර්තා රූප රාමු  පුවත්පත් රූපවාහිනිය තුලින් ප්‍රකාශයට පත් විනි.රක්ත පැහැ මුහුනින් යුක්තව ලේ වගුරවමින් "මට වෙඩි තියන්න එපා" යයි බැගැපත්වනවිටත් කැරලිකාර හමුදා හැට නම හැවිරිදි තම පාලකයාගේ ගෙල සිර කරගනිමින් සිටිනා දර්ශනය දකිනා විට බිඳක් හෝ සිත සසල නොවුනි නම් පුදුමයකි.එසේ නම් මෙසේ තමාව අවුරුදු හතලිස් දෙකක් පාලනය කල නායකත්වය කෙරේ මෙතරම් දෙයක් කරන්නට තරම් ආවේගයක් ඇති වූඒ කෙසේදැයි සිතා බැලිය යුතුය.එහෙත් ඒ පිලිබඳව කතා බහ ඉදිරියට විසඳාගැනීමට හැකි වනු ඇත.ඒ ලිබියානු ජනතාවගේම අදහස් වලිනි.ගඩා‍ෆි පාලනය සිය රටවැසියන්ගේ කතාකිරීමේ නිදහස යම තාක් දුරකට සීමා කල බව කියවේ.

කෙසේ වෙතත් ගඩා‍ෆි ඉදිස් ජූ රජුව නෙරපා දමා මීට වසර 42කට පෙර ලිබියාවේ පාලනය සියතට ගන්නා විට රට ආර්ථික අතින් දුර්වල මට්ටමක පැවතුනි.එහෙත් ක්‍රම ක්‍රමයෙන් ලිබියාව තිබුනු තත්වයෙන් මුදවා රට නිසිමගකට ගෙන ඒමට ගඩා‍ෆිගේ පාලනය සමත් විය.මේ සඳහා ගඩා‍ෆි තම රට සතු තෙල් සම්පත යොදා ගත්තේය.තෙල් බලය උපයෝගී කර ගනිමින් ගඩා‍ෆි ලෝක දේශපාලනය තුලද සෙල්ලම් දැමීමට පටන් ගත්තේය.බටහිර විරෝදී ආකල්පයක සිටිමින් බටහිර ලෝකය දැඩිව විවේචනය කිරීම ගඩා‍ෆිගේ මරනය තවත් ඉක්මන් කල බව නම් නොරහසකි.කෙසේ වෙතත් රට තුල සමාජවාදී දේශපාලන රටාවකට ගෙනයාමට කටයුතු කල ගඩා‍ෆි අසූව දශකයේදී සංස්කෘතික විප්ලවයක් යැයි කියමෛන් සියලු පෞද්ගලික ව්‍යාපාර තහනම් කිරීමත් කතා කිරීමේ නිදහස සහ ‍රැස්වීමේ නිදහස සීමා කිරීමත්,විදේශගතව සිටිට්යද තම විරුද්ද වාදීන්ගෙන් පලිගැනීමට කටයුතු කිරීම වැනි කාරන මුල් කරගෙන ජනතාව තුල මොහු කෙරේ අප්‍රසාදය දිනෙන් දින වර්දනය වන්නට විය.බලයෙන් මත්ව කටයුතු කිරීම තුල ඒකාදිපතිත්වයේ ලක්ශන ගඩා‍ෆි තුලින් තවතවත් පෙන්නුම් කරන්නට වීම තුල රටේ ජනතාව මහත් පීඩාවෙන් සිටි බව ගඩා‍ෆිගේ මරනය වූ ආකාරය හොඳින් පැහැදිලි කර දෙයි. නො එසේ නම් මෙලෙස කුරිරු ලෙස වධ බන්දනයට ලක්වෙමින් තම ජනතාව අතින්ම මැරුම් කන්නට ගඩා‍ෆිට සිදු නොවනු ඇත. නො එසේ නම් ගඩාඅෆි මැරුනු පුවත අසා ත්‍රිපොලි නුවරට පැමිනි ජනයා ප්‍රීති ගෝශා කරමින් සතු‍ටු නොවනු ඇත."රාජ්ය විරෝධී ලෙස අදහස් දක්වන කාන්තාව,දරුවා දක්ව මරා දැමිය යුතුය" ඒ ගඩා‍ෆිගේ හඬයි.ගඩා‍ෆිගේ බල වියරුව මේ ප්‍රකාශයෙන් මැනවින් පිලිබිබු වේ.කෙසේ වෙතත් ඒකාදිපතිත්වය සදාතනික නොවේ යන්න සනාථ කරමින් ජනතාව නැගී සිටීම ආරම්භ විය.සුපුරුදු ලෙස තම බලය යොදා ජනතා නැගිටටීම පාලනය කිරීමට ගඩා‍ෆි උත්සහ කලත් සියලු ක්‍රියා නිරර්ථක වූයේ ජන බලය ඒකාදිපති බලයට වඩා ප්‍රබලය යන සත්‍ය පසක් කරමිනි.

මේ සිදුවීම් කෙරේ බටහිර දේශපාලනයේ හැසිරීමත් සලකා බැලීම ඉතා වැදගත් කරුනකි.ලිබියාව දෙසට මානව හිමිකම් මුවාවෙන් දේශපාලනය වෙනස් කිරීමට අර ඇදූ බටහිර ප්‍රජාවට මේ ජනතා නැගිටීම් හොඳ උත්තේජනයක් සැපයීය.ඇමරිකාව ප්‍රමුක බටහිර රටවල් ගඩා‍ෆිගේ පාලනය පෙරලා දැමීම්ට සහයෝගය දෙද්දී ලිබියානු හමුදාවට එරෙහිව අවිබලය යොදා ගැනීමට එක්සත් ජාතීන්ගේ සංවිධානය තුල යෝජනාවක්ද සම්මත විය.මේ කාරනයේදී බටහිර ප්‍රජාව ගඩා‍ෆිගේ කුරිරු පාලනය බලය පෙරලා දමන බවට කියමින් ඔවුන්ගේ යටි අරමුනු මුදුන්පත් කරගැනීමක නිරත වුනු බව නම් නොරහසකි.මූලිකම දෙය නම් ඩොලර් බිලියන තිස් දෙකක් වටිනා වාර්ශික තෙල් ආධායමයි.මේ තෙල් බලයට ලොල් වූ අධිපතිවාදී බටහිර ප්‍රජාව ඇරභූ Nato සංවිධනයේ සහ ඊට මුල්‍ය ආධාර දෙන බටහිර ඛනිජ තෙල් සමාගම් ජාලයේ බල පරාක්‍රමය තුල ඔහුට බෝක්කු කටක් තුල අවසන් ගමන් යාමට කාරනා කටයුතු යෙදුනි.කෙසේ වෙතත් ගඩා‍ෆිගේ අවසානය සිදුව හමාරය.මේඅනුව  නව සහස්‍රකය තුල ඇමරිකාව ප්‍රමුක බටහිර බලවේගයේ දෙවනි රාජ්ය නායක ගොදුර බවට පත් වූයේ ගඩා‍ෆිය.පලමු වැන්නා සදාම් හුසේන්ය.කෙසේ වෙතත් සදාම්ගෙන් මිදුනු ඉරාකයේ අද තත්වය සලා බැලුවොත් එරට පවතින තත්වය තවමත් ඛේදනීයය.විවිද කන්ඩායම් ආයුද අතට ගනිමින් ප්‍රචන්ඩ ක්‍රියවන් ඉරාකය තුල නිතර නිතර සිදුවන බව අසන්නට දකින්නට ලැබේ.අමරිකානු හමුදා තවමත් විශාල වශයෙන් ‍එහි රැඳී සිටියි.විවිද මතවාද සහිත කන්ඩායම් බිහිවෙමින් පවතී.ජනතා සහනයක් සහිත දේශපාලනයක් ඉරාකය තුල බිහිවීමක් පෙනෙන තෙක් මානයක නැත.ලිබියාව තුල මේ තත්වය  කෙසේ  වෙනස් වේ දැයි කාට නම් සහතික දිය හැකිද?රට තුල සම්පත් විදේශීය සමාගම් අතට පත්වීම නම් නොවරදීම සිදුවනු ඇති බව නම් නිවරදීම කිවිය හැක.පහැදිලි එකඟතාව්යක් නොමැතිව එක අරමුනක පිහිහි‍ටුවා නොසිට විවිද් කන්ඩායම් වල අත්තනෝමතික ක්‍රියාපිලිවෙතකින් කෙලවර වූ ගඩා‍ෆිගේ මරනය යුගයක අවසානයක් සනි‍ටුහන් කරන මුත් තවත් ගැටලු රාශියක ආරම්භයක් වෙන බව නම් පැහැදිලිය.ඉදිරියේදීත් එක්සත් වීමක් නොව බොහෝ දුරට් බලාපොරොත්තු විය හැක්කේ එකිනෙකා තම මතවාද වෙනුවෙන් කුලල් කා ගැනීමකි.බෙදී වෙන්ව පවතිනා තුරාවට බටහිර බලවේග වලට ක්‍රියාත්මක වීමේ හැකියාව වැඩි බව නොරහසකි.එවිට රට වැසියන්ට නොදැනීම රටේම සම්පත් තම ආදිපත්‍යට ගැනීමේ සංකල්පය බටහිර රට වල් හොඳ හැටි පෙන්වමින් තිබේ.ඒ තුල ලිබියාව අවුලෙන් අවුලට පත්වීමට බොහෝ දුරට ඉඩ ඇත.මෙලෙස සලකා බලන කල ඉඟුරු දී මිරිස් ගත්ත වැනි තත්වයකට රට ඇදවැටෙනු ඇතැයි නොසිතිය හැකිද යන්න සලකා බැලිය යුතු කාරනාවකි.

කෙසේ වෙතත් ලොව කුම්න හෝ තැනක මිනීමරු ඒකාදිපතිත්වයක් ඇත්නම් ඒ පාලනයන්ට තිත තැබිය යුතුමය.එහි කතා දෙකක් නැත.නමුත්  යම් එවැනි පාලනයක් පන්න දැමිය යුත්තේ බටහිර රටක අවශ්‍යතාවයකටවත් වෙනත් කිසියම් හෝ සංවිදානයක අවශ්‍යතාවයකට නටන දේශපාලන න්‍යාය පත්‍රයකට නොවිය යුතුය.සියලු කාරන කටයුතු සිදුවිය යුත්තේ සමස්ත රටවැසියන්ගේ සාධාරන අවශ්‍යතාව මත ඒ ජනතාව මුල් කොටගෙනමය.එවිට පහැදිලි ජනබලය හිතසුව පිරි රටක අනාගතය තීරනය කරනු ඇත.

තෙවසරයි සරසවි මතකයට!!!

පෙර නොකියවූ පොතක
 මුල් අකුරු කරද්දී
නොලියාම පෙරවදන
 පසුවදන ලියාදුන්
සදාදර මතක බිම
ගෙවුනු සරසවි දිවිය
 අද දිනට තෙවසරක්
 නුඹට බැඳි මතකයට
                                                                                                                        

කැමතිද සඟරාවකට ලිපි ලියන්න?



කැමතිද සඟරාවකට ලිපි ලියන්න?ඔයාලටහ් මේ ගැන උනන්දුවක් තියනව නම් ලේසියෙන්ම සම්බන්ද වෙන්න පුලුවන්.කරන්න තියෙන්නේ පොඩි දෙයයි.පහල ලින්ක් එකෙන් ගිහින් සඟාරාවේ ලියාපදිංචි වෙන්න.ඔයාල ලියන ලිපි කාලීන මාතෘකාවක් යටතේ ලියවුනොත් ගොඩක් වෙලාවට මේ සඟරාවේ පල කරනවා.මමත් මේ විදියට මේ සඟරාවට ලිපි ලියලා ඒව පලවෙලත් තියනවා.ලිපියක් පලවෙනවා නම් ඒ ය් අපිව සම්බන්ද කරගෙන අදාලා සඟරාව නිවසට තැපැල් කරනවා. ඒ වගේම අදාල අන්තර්ජාල කලාපයෙත් ලිපි පල කරනවා.ඔන්න මම විස්තරේ කිව්වා.කැමති අය ඉන්නවා නම් සම්බන්ද වෙන්න.හැමෝටම ජයශ්‍රී!!!

මෙන්න ලින්ක් එක : http://shramabhimani.com/join.php

හැක් කරන අයගෙන් බේරෙන්න ආසද?


ලගඳි මගේ යාලුවෙක්ගෙ ෆේස්බුක් ගිනුමක් හැක් වෙලා.මේක වෙලා තියෙන්නේ අපේ යාලුවා හොඳට දන්න කියනවිශ්වාසවන්තම ගැනු ලමෙක් එක්ක Facebook චැට් කර කර ඉන්නකොට.ගැනු ලමයා  කියලා ටිකකට ජීටොක් වලටඑන්න චැට් එකට.මේ ෆෙස්බුක් එකෙ ගොඩක් හායි කියනවා චැට් කරන්න අමාරුයි කියලා.එහෙම කියලා Gmail වලලින්ක් එක දීලා ෆේස්බුක් චැට් එකේ ජීටොල්ක් වලට එන්න කියලා..මේකටත් මොකද කෙල්ලෙක් චැට් කරනවනම්වෙන ලෝකයක් නැ.ෆේස්බුක් චැට් එකේ එවපු ජීටොක් ලින්ක් එක ක්ලික් කරලා කියපු පමාවට ජීමේල් ලොග්වෙලා.මෙහෙම ටික වෙලාවක් චැට් කර කර ඉඳලා ආයෙත් bye bs එහෙම කිව්වට පස්සේ ඉතින් අපේ යාලුවා ඊලඟදවසෙ ආයෙත් ෆේස්බුක් ලොග් වෙන්න බලනකොට ඒකට ලොග් වෙන්න බැරිලු.gmail ලොග් වෙන්නත්බැරිලු.කොහොමද වැඩේ?එකවුන්ට් දෙකටම ෂොට් එක හම්බ වෙලා.

හිතුන නේද කොහොමද කාටවත් පාස්වර්ඩ් එක දෙන්නෙ නැතුව කොහොමද එකවුන්ට්  එක හැක් උනේ කියලා? ජීටොල්ක් එකේ චැට් කරලා කොහොමද ෆෙස්බුක් එකේ එකවුන්ට් එකත් හැක් උනේ කියලා.ඒ වගේම හිතුන නේදවිශ්වාසවන්ත ගැනු ලමෙක් වෙලත් කොහොමද එයා මේ එකවුන්ට් එක හැක් කලේ?

කියන්නම් කොහොමද මෙහෙම උනේ කියලා පිලිවෙලට.කාටවත් පාස්වර්ඩ් දෙන්නේ නැතුව එකවුන්ට් එක හැක්වෙලා තියෙන්නේ මේ ගැනු ලමයා දීල තියෙන්න ලින්ක් එකේ ඉන්ටෆේස් එක ජීමේල් වගේම පෙනුනට ඒ ලින්ක් එකඅදාල ජීමේල් වල ඇඩ්‍රස් එක නෙවෙයි.කෙල්ලෙක් එවපු නිසා හදිසියට මේකා අදාල යුසර් නේම් එක පාස්වර්ඩ් එකටයිප් කරල එකවුන්ට් එකට ලොග් වෙලා.මෙතනදි වෙලා තියෙන්නේ ගැනු ලමෙක් විදියට ලින්ක් එක එවපු කෙනාඑවලා තියෙන්නේ ඒ විදියටම බාහිර පෙනුම තියෙන්න හදපු වෙනත් ඇඩ්‍රස් එකක් තියන ලින්ක් එකක්.මේ විදියටපෙන්නුම් කරන වෙබ්සයිට් ව්ලට කියන්නේ පිශිං සයිට් කියලා.මේ දවස් වල මේ ක්‍රමයට හැක් කරන්න ගොඩක්දෙනෙක් පෙලඹිලා ඉන්න බව පේනවා.ගොඩක් වෙලාවට මෙහෙම ලින්ක් එකකට අදාලව අපි ටයිප් කරන අපේපාස්වර්ඩ් එක කෙලින්ම ටෙක්ස්ට් ෆයිල් එකකට ලියවෙන හරි නැත්නම් ඩේටා බේස් එකකට හරි යන විදියට තමා මේපිශිං සයිට් හදලා තියෙන්නේ.ඒ නිසා අපි පලවෙනි පාර අපේ යුසර් නේම් පාස්වර්ඩ් ටයිප් කරනකොට කවදාවත් අදාලඑකවුන්ට් එකට ලොග් වෙන්නේ නැ.ඊලඟ පාර තමයි හරියටම අපේ එකවුන්ට් එකට ලොග් වෙන්න පුලුවන්.ඔන්නඔහොමයි ඕක වෙන්නේ.

දෙවෙනි කාරනේ ඒ කියන්නේ කොහොමද ජීමේල් එකවුන්ට් එකෙන් චැට් කරලා ෆේස්බුක් එකත් හැක් උනේ?ඒක නම්අපේ යාලුවා බාවිතා කරලා තියෙන්නේ එකම පාස්වර්ඩ් ජීමේල් වලටත් ෆේස්බුක් වලටත්.එතකොට ඉතිං ෆෙස්බුක් එකහැක් වෙන එක අහන්නත් දෙයක්ද?

අන්තිම කාරනේ කොහොමද විශ්වාසවන්ත ගැනු ලමෙක් වෙලත් අපේ යාලුවව හැක් කලේ.ඒකට හේතුව ඒ ගැනුලමයගෙ එකවුන්ට් එක අපේ යාලුවට කලින් හැක් වෙලා.වෙන කෙනෙක් තමයි මේ ගැනු ලමයා විදියට මගේ යාලුවත්එක්ක චැට් කරලා තියෙන්නේ. විශ්වාසවන්තකමට අර ලින්ක් එක ක්ලික් කරලා තමයි මෙයා මේකෙන් ලොග් වෙලාතියෙන්නේ.

ඔන්න ඉතින් ඔයගොල්ලන්ටත් හැක් වෙන්න කලින් පෙර සූදානමට මේක ටිකක් වෙනස් විදියට ලියලා දැම්මා.දැන්කියන්නම් කොහොමද මේ විදියට හැක් වෙන එකෙන් ගැලවිලා ඉන්නේ කියලා.මූලිකම දේ තමයි කවුරු කොයි තරම්විශ්වාස උනත් හදිස්සියට ලින්ක් ක්ලික් කරලා එකවුන්ට් වලට ලොග් නොවී ඉන්න එක.හැම වෙලේම අදාල එකවුන්ට්එකට අන්තර්ජාල ලිපිනය ඇඩ්‍රස් බාර් එකේම ටයිප් කරලම එවට ලොග් වෙන්න.උදාහරනයක් විදියට ජීමේල් ලොග්වෙනවා නම්  https://www.gmail.com  විදියට ඇඩ්‍රස් බාර් එකේ ටයිප් කරලා ලොග් වෙන්න.ඒ වගේම ෆේස්බුක්එකේ නම් එක එක ගෲප් වලට ජොයින් වෙනකොට ඇඩ්‍රස් බාර් එකේ URL එක පිලිබදව ගොඩක් දුරට සැලකිලිමත්වෙන්න.
තවත් දෙයක් ඊමේල් ගිනුම් වලටයි ෆේස්බුක් වගේ එකවුන්ට් වලටයි එකම පාස්වර්ඩ් නම් යොදාගන්නඑපා.බැරිවෙලාවත් එක ගිනුමක් හැක් උනු ගමන් අනිත් එකවුන්ට් එකත් හැක් වෙන්න පුලුවන්කම වැඩියි.

මීට අමතරව පොදුවේ හැකිං වලින් බේරෙන්න Crack කරපු සොෆ්ට්වෙයාර් බාවිතයෙන් වැලකී ඉන්න එකත්,ඔබගේ antivirus එකයි anti-spyware නියමිත පරිදි යාවත්කාලීන කරන එකත් හුඟක් දුරට වැදගත්.මීට අමතරව පෙන් ඩ්‍රයිව්භාවිතා කරන්න කලින් Scan කරන්නත් හොඳින් මතක තියාගන්න.ඒ වගේම ඔබ පාවිච්චි කරන පරිගනකය හෝලැප්ටොප් එක භාහිර අයගෙ පාවිච්චියට ලබා නොදෙනවනම් තමා වඩාත් හොඳ. 

ඔන්න ඉතිං මම දන්න විදියට මේ දේවල් පැහැදිලි කලා.සමහරවිට වැරදි තියෙන්නත් පුලුවන්.එහෙම දෙයක්තියනවනම් දන්න කෙනෙක් නිවැරදි කරන්න.ඒ වගේම මේ විදියට හැකිං වලිං බේරිලා ඉන්න අනුගමනය කරන්න ක්‍රමතියනව නම් කමෙන්ට් එකක් විදියට එකතු කරන්නත් කියලා ඉල්ලනවා.ආයෙත් ඉතිං මේ වගේ ලිපියකිංහම්බවෙන්නම්.ඔක්කොටම ජයශ්‍රී!!!

අමුතු දත්ත 5 ලු...(Amazing Facts)



කාලෙකින් ආයෙත් හිතුනා අමුතු දත්ත ටිකක් හොයලා දාන්න ඕනි කියලා.ඉතින් මම මුලින් ලියපුවා කියෙව්වෙ නැත්නම් මෙන්න ලින්ක් ටික


අමුතු දත්ත 1
අමුතු දත්ත 2
අමුතු දත්ත 3
අමුතු දත්ත 4

සම්මත ගොල්ෆ් බෝලයක වලවල් 336ක් තියනවලු


ගිනිකන්දකට එහි තිබෙන අලු වායුගෝලයේ 50කිමි දුරක් විදින්න ශක්තියක් තියනවලු


පෝලාර් බේයාර්ලට හුරු වමතලු


ස්ටාර්‍ෆිශ්ට මොලයක් පිහිටල නැතිලු


මැක්ඩොනල්ඩ් අවන්හල් වලින් දිනකට ලෝකය පුරා  මිලියන 43ක් ආහාර ගන්නවලු


තුර්කියේ පිහිටි ඉස්තාන්බුල් නගරය මහද්වීප දෙකකට අයත් එකම නගරයලු


ඔබ අවුරුදු 8යි මාස 7යි දවස් 6ක් යටිගිරියෙන් කැගැහුවොත් ඒ වැයකරපු 
ශක්තිය කෝපි කෝප්පයක් උනු කරන්න ප්‍රමානවත්ලු


පටපනුවෙක් මීටර් 22.9ක් දිගට වැඩෙන්න පුලුවන්ලු


තොල් දෙක හපන් නැතුව එම් "M" කියන්න බැරිලු


ඇස් දෙක ඇරගෙන කිවිසුම් යවන්න බැරිලු


කැස්සකදි ගලනාලය හරහා යන වායුව ශබ්දයට වඩා වේගවත්ලු


ජපන්නු ලිවීමට ක්‍රම හතරක් භාවිතා කරනවලු


පෙන්ටගනයේ බාත් රූම් 84ක් තියනවලු


1912 වසරෙදි පැවැත්වුනු ඔලිම්පික් තරඟාවලියෙදි දුන්නු රන් පදක්කම් වල රත්‍රන් තිබුනෙම නැතිලු


ඉන්දියාව වර්ශ 1950හෙදී පාපන්දු ලෝක කුසලානෙට සුදුසුකම් ලැබුවත් පාවහන් නොමැතිකම නිසා  සහභාගි වෙන්න බැරි උනාලු


ටයිටැනික් නැව ගිලෙනකොට ඒකෙ මිස්ස්නිස්සු 2227ක් හිටියලු.බේරුනේ 705ස් දෙනෙක් විතරලු


ආවර්තිතා වගුවේ කිසිම තැනක J අකුර අඩංගු වෙන්නේ නැතිලු

පුංචි පද හතරක්






පුංචි පද හතරක් ඇහුනා අද හවස.කවුරු කියපු එකක්ද දන්නෙ නෑ.මට කිව්වේ අපේ මාමා කෙනෙක්.පද හතරක් උනත් ලොකු දෙයක් කියනවා කියලා හිතුනා....


ගස කෙසේ...
ඵල එසේ...
මව කෙසේ....
දුව එසේ....

ඉක්මන් කරන්න,නොමිලේ Atom Processor Architechure ගැන පොතක් ගෙදරටම....


මේක පොඩි offer එකක්.දැනගත්තෙ මගෙ යාලුවෙක්ගෙන්.intel එකෙන් ඒ අයගේ  atom ප්‍රොසෙසර් එකේ architechture එකගැන විස්තර තියන පොතක් නොමිලේ ලබාදෙනවා .කරන්න තියෙන්නේ https://secure.hibbertgroup.com/intel/spm?programId=BAATOM මේ  ලින්ක් එකට ගිහින් තමන්ට අදාල විස්තර ටික පුරවන එක විතරයි.
මාසයක් ඇතුලත පොත ගෙදෙට්ටම වෙනම නිලධාරියෙක් ඇවිත් ගෙනත් දෙනවා.පොත ගෙදෙට්ට ගේන්න කලින් ඔයා ලබාදෙන දුරකථන අංකයට කතා කරල වැඩේ ස්තීර කරගෙන තමයි පොත අපට ලබාදෙන්නෙ.ටිකක් ඉක්මන් උනොත් හොඳයි.මොකද සීමිත දවස් ප්‍රමානයකට තමයි මේ offer එක.කස්ටිය එහෙනම් බලන්නකෝ  ඔන්න මම ගියා.ජයශ්‍රී!

ප්‍රේමය නම් කිමැයි කියා...............



ආදරය, ප්‍රේමය යනු වර්තමනයෙනන් දෙසින්  කන වැකෙන වචනයි .ආදරය යනු කුමක්දෙයි කෙනෙකුගෙන් ඈසු විට අපට විවිද වු පිලිතුරු ලැබේ.මව සහ දරුවන් අතර ඈති ආදරය ,පියා සහ දරුවන් අතර ඇති ආදරය,සහොදර සහොදරයන් අතර ඈති ආදරය ,යහලු යෙහෙලියන් අතර ඈති ආදරය යනදී වශයෙන් ආදරය විවිදාකාර වු ආකාරයෙන් අපට ප්‍රභේද කල හෑක .
නමුත් අද අපි කතා කරන්නෙ යොවුන් වියෙ ප්‍රේමය ගෑනයි.යොවුන් වියෙ ප්‍රේමය කෙබදුද  දෑයි එය විදිමින් සිටින කෙනෙකුගෙන් ඈසුවහොත්,ඔහු  හො ඈය විවිද ඒ පිලිබද විවිද  වු අදහස් දක්වයි.වර්තමනයෙ බහුලව සමාජය තුල කතා කෙරෙන්නෙ මෙම යොවුන් වියෙ ප්‍රෙමය ගෑනයි.රූපවාහිනියෙන් ,ගුවන්විදුලියෙන් ඈසෙන සෑම ගීතකටම  පාහේ වස්තු විශය  වි ඈත්තෙ මෙම ප්‍රේමය යි.එපමනක් නොව රුපවාහිනි මාධ්‍ය ඔස් සේ විකාශය වන ටෙලි නාට්‍යක ,චිත්‍ර පටියක ප්‍රදාන තේමාව වන්නෙ ප්‍රේමයයි.
ප්‍රේමය පාදක කොට ගනිමින් ලියෑවුන ගීත රාශියක් වර්තමානයෙ සේම අතීතයෙන්ද අපට උකහා ගත හෑක.ප්‍රේමය වටා මෙතරම් නිර්මානයන් ගොඩ නෙගෙන්නෙ එය එතරම් සොඳුරු වු දෙයකෑයි වරෙක ප්‍රස්නයක් මතු වනු ඈත.
"ප්‍රේමය දෑක්මෙන් වුව ,ඈසීමෙන් වුව ,දෑනීමෙන් වුව සිත පහන් කරවන සන්වේදනාවක් නම් ,ඒය විදින්නට පෙරුම්  පුරන්නෙ ජීවිතය ප්‍රේමයෙන් පුරවන්නටය.සුවපත් කරන්නටය.කෙනෙකුට නොහෙගෙන,ඒ හෑගුම් තනි සිතක දරාගෙන  කල්පයක් වුව තව අයෙක් වෙනුවෙන් බලා සිටින සිත් කෙතරම්ද? දෙනෙත දකින සිතට දෑනෙන සොදුරු වු හෑම දෙයකම වේදනවක් මුසු වි ඈති බවක් දෑනෙන ,තනිකඩ සිතක  සිතුවිලි ගීයක පද වෙලක් වි ගැයේ නම් ඒක් මොහොතකට හො ඒය සොදුරු පෑතුමකි.
සිනාවක පව සෙනෙහසින් රෑදෙන්නට මග බල සිටින තනි සිතක් හිමි වුනත්,නොවුනත්,ගොලු වු සිතිවිලි සුසුමකින් සගව ගනිවි .ඒ ........සෑලමුතු සෙනෙහසක අරුතින්....."
 "සද මඩල මියදෙනා අමාවක සීතාම්බරේ
තරු  පොකුරු ඈහෑරිලා ඈයිද සරදම් මේ ලෙසින්
නිල් දෑස හඩවනා මේ කදුලු වෑහි සීතලේ
 මල් හීන පොඩිවෙනා තරම් හිරිකඩ වෑටේ  දෑන්   
  
තනියෙන්ම හිනහෙනා ජීවිතේ තනිමන්සලේ  
දුර ඈත පවෙනා ජීවිතේ තනිමන්සලේ
නුබේ සිහින නොමියෙනා සොදුරු වු මෙ විල් තෙරේ
 නුබේ දෑස මානයෙ හිද ගීයකින් ගයන්නම්

සෝසුසුම් පවෙනා නුබේ මුව සින රෑල්ලේ
රෑදෙන්න්ට   පින් පුරා ප්‍රේමයෙන් මග බලන්නම්
තනි  සිතක් හඩවනා ඒ හෑගුම් සදා ගොලු වී
වරම් නෙති වුවත් හද සුසුමකින් සගවන්නම්     "
ප්‍රේමය නිසා ජීවිතය සාර්තක කරගත් අය සේම ,ප්‍රේමය නිසා ජීවිතය විනාශ කරගත් අයද වර්තමාන සමාජය තුල අපට බහුලව අසන්නට මෙන්ම දකින්නට ද ලෑබෙ.විශ්වවිද්යාල තුල ප්‍රේමය කෙතරම් සුන්දර වුවත් ,ඒයින් සාර්තක ලෙස අවසන් වන්නෙ ඉතාමත් සුලු පිරිසකගේ ප්‍රේමයන් පමනි.අනෙක් අයගෙ ප්‍රේමය අසාර්තක වීම හෙතුවෙන් ජීවිත හනි කරගෙනීම් පවා ඈති වු අවස්තා විශ්වවිද්යාල තුල පමනක් නොව ඉන් බාහිර සමජයේ ද එමටය.ප්‍රේමය යනු අන්ද වු දෙයකෑ යි වරෙක ගීත රචකයන් පවා අපට පසක් කරන්නෙ මෙ නිසා විය හෑක
 ප්‍රේමය යනු කෙතරම් සුන්දර දෙයක් වුවත් ,ප්‍රේමය යනු හදවතින් විදිය යුතු නමුත් බුද්ධියෙන් තීරන ගත යුතු උතුම් වු මානුශීය හෑගිමකි.

කැත පුරුද්දක් නැති කරගත්තෙමි……..



ඔන්න අද කියන්න යන්නේ මගේ කැත පුරුද්දක් නැති කර ගත්තු විදියක් ගැන.කැත පුරුද්ද තමයි සෙරෙප්පු මාරු කිරීම.පෝයට පංසලට අපේ පිංවතුන් ගිහින් එනකොට පෙලක් වෙලාවට අපි දන්නෙම නැතුව අපේ සෙරෙප්පු වලට විදපු වෙලාවල් ඔයාලටත් නම් ඕනි තරම් ඇති.ඉතින් ඔය වෙලාවට ටිකක් විතර මල පැන්නට ඒතරම් කේස් එකක් නැ මොකද තවත් පංසලට ආපු පිංවතෙක්ගෙ සෙරෙප්පු දෙකක් දාගෙන ගෙදර එන එක තමයි කරන්න තියෙන්නේ.ඒත් මම කවදාවත් පංසලක නම් සෙරෙප්පු මාරු කරලා නැ. ඒක කොහොමත් පව් වැඩක්නේ.
 අපේ කැම්පස් එකේ ලැබ් එකට යන්න ඕනි නම් එලියෙ සෙරෙප්පු ගලවලා තමයි ඇතුලට යන්න ඕනි.මම කරන්නේ කොහෙන් හරි ජාති දෙකක සෙරෙප්පු දෙකක් හරි හොඳටම ජරා වෙච්ච සෙරෙප්පු දෙකක් හරි දාගෙන ඇවිත්  ලැබ් එක ඇතුලට ගිහින් ආයෙත් එනකොට සුපිරි සෙරෙප්පු දෙකක් දාගෙන එනවා.කොහොම හරි අන්තිමට එන එකාට ඉතුරු වෙන්නේ මම හඳුන්වා දුන්නු සෙරෙප්පු දෙක.මොනව කරන්නද කියලා අන්තිමයා ඒ සෙරෙප්පු දෙක දාගෙන එනවා.
පුංචි පහේ සිඟිති ආතල් එකක්  ඒ වැඩෙත් තියනවා.ඒත් මේ වැඩේ කවදවත් හොරකමක් කියලා හිතුනෙත් නැ..අනික මම මගෙ වටේ ඉන්න එවුන්ටත් කියලා තමයි මම මේ වැඩේ කරගෙන ගියෙත්.මම ගෙනාපු සෙරෙප්පු දෙක දාගෙන යන එකා සෙරෙප්පු මාරු කරපු එකාට බැන බැන යනකොට කොහොමද කුනු සෙරෙප්පු දෙකකුත් දාගෙන. කොහොම උනත් ඔහොම කරල දවසක් මාව අතටම අල්ල ගත්ත අපේ සීනියර් කෙනෙක්.එදා මම දාගෙන ආවෙ අපේ අලුත් හොස්ටල් එකේ වැඩ කරන අය මේසන් බාස්ල පාවිච්චි කරලා අයින් කරපු සිමෙන්ති ගැවිච්ච සෙරෙප්පු දෙකක්. මම ශේප් එකේ මේ දෙක මාරු කරලා යන්න ගියා. අන්තිමට මේ සෙරෙප්පු දෙක දාගෙන යන්න වෙලා තියෙන්නේ අපේ සීනියර්  අයියෙක්ට. අන්තිමට  කොහොම හරි මැන්ස්ට ආරංචි වෙලා මේ සෙරෙප්පු දෙක මාරු කලේ මං කියලා.අපේ සීනියර් අයියත් මේ සෙරෙප්පු දෙක දාගෙන ආවා මාව හොයාගෙන.මේකට ඔත්තුව දීල තිබුනෙ මාත් එක්ක හිටපු එකෙක්ම තමයි.හැබැයි එහෙම කිව්වේ නැත්නම් මේ වැඩෙත් අහුවෙන්නේ නැ.හික් හික්.කොහොම උනත් සීනියර් මගේ බොක්කක්.උබත් මරු වැඩ තමයි කරන්නේ කියල පොර සෙරෙප්පු දෙක මාරු කරන්  යන්න ගියා.කිසිම කේස් එකක් උන් නැ එදත්. :):):)
කොහොම හරි පහුගිය සතියේ දවසකත් මම මගේ වැඩේ කරල රූම් එකට ඇවිත් "බලපන් අද මම අලුත්ම සෙරෙප්පු දෙකකට මාරු උනා"
කියලා කිව්ව.
මේක අහපු මගේ යාලුවෙක් "උබට ඔය වැඩේට කකුල් දෙක කැඩිලා ඉපදෙන්න වෙයිද දන්නෙ නැ ඊලග ආත්මෙක" කියලා කිව්වා.මට මේකට ටිකක් අප්සට්.
"ඉතිං බන් මම මේක කරන්නේ ආතල් එකටනෙ.."
"යකෝ ආතල් එකට උනත් හොරකමක්නේ..අහල නැද්ද අර ජාතක කතාව.." මැන් කියනව..
දැන් ඉතිං මට මේක කියන ජාතක කතාව දැන ගන්න හිතුනා. මොකක්ද මගෙ කකුල කැඩෙයි කියපු එකෙයි ජාතක කතාවෙ සම්බන්දෙයි බලන්න.ඒත් පොර ජාතක කතාවෙ නම නම් දන්නේ නැ.ඉතින් මම අහගත්ත විදියට මේකයි කතාව.
ඉස්සර කාලේ පොඩි ලමයි ටිකක් සෙල්ලම් කරනකොට තලගොයෙක් අල්ලගෙන නැට්ටෙන් හිර කරලා තියනවා.ආයෙත් අයින් කරන්න හිතාගෙන.ඒත් ලමයි සෙල්ලම් කරල ගෙවල් වලට ගිහින් හැබැයි අර තලගොයාව නිදහස් කරන්න අමතක වෙලා.ලමයින්ට මේක මතක් වෙලා තියෙන්නේ පස්සේ දවසක.ඒත් පස්සේ ඇවිත් බලනකොට පරක්කු වැඩියි.අර තලගොයා මැරිලා.කොහොම හරි මේ ලමයි සෙට් එක පහු ආත්මයක ශාසනේ  මහන වෙනවා.මෙහෙම මහන වෙලා බුදුන් බැහැදකින්න කියලා දිගු දුරක් ගෙවාගෙන එනකොට ගමන දුර වැඩි නිසා කැලේක ගල් ගුහාවක නතර වෙනවා රාත්‍රිය ගතකරන්න.ඒත් උදේ බලනකොට අර ගල් ගුහාවේ දොර හිරවෙල වැහිලා.අපේ මේ සෙට් එකම මේ ගල් ගුහාවේ හිරවෙලා එලියට එන්න බැරිවෙලා අර මුල් ආත්මේ තලගොයා මැරිච්චි විදියටම මියයන්න සිද්ද වෙලා.කොහොමද වැඩේ...විහිලුවට පෙර කල පවක් පලිසන් දීල.
මේ කතාව ඇහුවම මටත් ටිකක් අප්සට්.ඒත් මං කරලා තියෙන්නේ ඒ තරම් ලොකු වැ‍රැද්දකුත් නෙවෙයි.ඒ උනත් මගෙ කකුල් දෙක නැතුව වත් ඊලඟ ආත්මෙක ඉපදුනොත් කාට කියන්නද.ඒක හන්දා මම මගේ ඒ නරක පුරුද්දත් නැති කොර ගත්ත......ඔයගොල්ලොත් මේ ටයිප් එකේ පොඩි පොඩි වැරදි කරනවනම් බලන්න මේ ජාතක කථාවත් එක්ක සම්බන්ද කරලා.කෙනෙක් හරි ඒ වගේ දෙයක් නිවැරදි කර ගත්තොත් මගේ මේ ලිපියත් සාර්ථකයි..ඒ ගමන්ම කියන්න ඕනි ඔන්න මේ තමයි බ්ලොග් එකට ලියන පනස් වෙනි ලිපිය.ඒ ගැනත් පොඩි සතුටක් තියනවා.එහෙනම් මේක කියවපු හැමෝටම ගොඩක් ස්තූතියි. ඔන්න මම ගියා හැමෝටම ජය ශ්‍රී!!!


ගීයක සුලමුල 3-ඔබ එදා නම් සඳ වගේ මැයි....


ගීයක සුලමුල තුන්වෙනි ලිපියත් ලියන්නයි හිතුවෙ ඕන්.මේ ගීතය තමයි ඔබ එදා නම් සඳ වගේමයි..කියන සින්දුව.වැඩි දෙනෙක් අහල නැතුවත් ඇති.ඒත් ගොඩක් රසවත් යුග ගීතයක්.ගීයෙන් කියවෙන්නේ මුලින් ගොඩක් ආදරයෙන් උන්නු  විවාහපත් දෙන්නෙක් ගැන.ඒත් දැන් ගැහැනියට ආදරයෙන් වෙන් වෙන්න හිතිලා.ඒත් පිරිමියා අතීතය මතක් කරනවා ඔබ එදා නම් සඳ වගේමයි කියලා.ගීත විචාරකයකට වඩා මම මේ ලිපි පෙලින් උත්සහ කලේ ගීත රචකයාට ගීතය ලියන්න මූලික වුනු සිදුවීම් ගැන ලියන්නනෙ.ඉතින් මේ ගීතයට මූලික වෙලා තියෙන්නේ ඉතාම සුලු සිදුවීමක්.
 
මේකයි කතාව.අපේ මේ ගීත රචකයගේ බිරිඳ ටිකක් වසයිලු.ටිකක් කේන්ති ගත්තහම කච කචේ ඉවරයක් නැතිලු.සාර්ථක ජීවිතයක් ගතකලාට පෙලක් දවස් වලට පොඩි පොඩි රන්ඩුත් ඇති වෙනවලු.මෙහෙම රන්ඩුවක් ඇති වෙච්ච දවසක ධම්මික බන්ඩාරයන්ගේ බිරිඳ කිව්වලු
"මේ ලමය නැත්නම් මම තමුසෙව දාල යනව..." කියලා
ඉතින් මේ වෙලාවේ එතුමට මතක් වෙලා තියෙනවා ඒ අය අවුරුදු ගානක්  ප්‍රේම කරල විවාහ උනු  විදිය.ඒ කාලේ ලියපු ලියුම්,කරපු කියපු දේවල් එහෙම.ඉතින් මේ වෙලේ ගීත රචකයට හිතිලා තියනවා මේ වගේ කොයි තරම් ලියුම් ලියලා ආදරය කරලා එකතු උනත් වෙන් වෙන්නත් හේතු සාදක ඇති වෙනවා නේද කියලා.ඔය සිදුවීම මත පාදක වෙලා බිහි උනු නිර්මානයක් තමයි ඔබ එදා නම් සඳ වගේ මැයි.....

ගීතය අහල නැති කට්ටියට මෙන්න ...

පි-ඔබ එදා නම් සඳ වගේමැයි..
ගැ-ඔබ මෙදා හිරු වී මා දවයි
පි-ඔබ මගේ මැයි ඔබ මට කියයි
ගැ-ඔබ දමා යන්නට හිත කියයි

පි-නෙතේ නෑ ආදර බැලුම්,කොහි සැඟ උනාදෝ නෙතු කැලුම් //
ගැ-ඔබේ ලෝකය නොවේ මගෙ ලොව,මැකී යයි ආදර බැලුම්...

පි-ඔබ එදා නම් සඳ වගේමැයි.....

පි-පි‍ටු පුරා පෙම් කවි ලියූ සිත ගොලු උනේ ඇයි රස මැවූ //
ගැ-නොදන්නේමි වැරදුනේ කොතැනද,දෛවයද මේ අප පැතූ...

පි-ඔබ එදා නම් සඳ වගේමැයි..
ගැ-ඔබ මෙදා හිරු වී මා දවයි
පි-ඔබ මගේ මැයි ඔබ මට කියයි
ගැ-ඔබ දමා යන්නට හිත කියයි..


සින්දුව ඩවුන්ලෝඩ් කරනව නම් මෙන්න ලින්ක් එක..

අහ්.. තව දෙයක් කියන්න තියනවා.තව පොඩ්ඩෙන් අමතක වෙනවා.මේ ගීතය ගයන ගායිකාවගේ නම වැඩිය සඳහන් වීමක් නැ.ඒත් මේ ගායිකාව නිසා තවමත් විවාහ නොවී ඉන්න ගායකයෙක් ඉන්නවා. මේ ගීතය කියන ගායිකාව ඉගෙන ගන්නවලු නන්දා මලිනියන්ගේ සංගීත ආශ්‍රමයේ.ඒ පන්තියටම සන්ගීත ඉගන ගන්න කැමරාවක් එල්ල ගත්තු කොල්ලෙකුත් ආවලු.ඉතින් ඔහොම කාලයක් යනකොට මේ දෙන්න හොඳ යාලුවො වෙලා හොඳ ප්‍රේමවන්තයො බවට පත් උනාලු.ඉතින් මේ සිද්දිය හැමෝම දැන ගත්තු ප්‍රසිද්ධ කරුනක් බවට පත් වෙනවලු.ඒත් එක පාරටම හිටපු ගමන් මේ ගායිකාව ජපානෙට ගිහින් එනකොට ජපානේ හිටපු ලන්කාවෙ තරුනයෙක් එක්ක විවාහ වෙලා ලන්කාවට එනවලු.ධම්මික බන්ඩාරයන් කියන විදියට
 "මේ සිදු වීමෙන් පස්සේ කැමරාව කරේ දාගත්තු තරුනයාට කොච්චර ශොක් උනාද කිව්වොත්  මිනිහා තවත් කසාද බැඳලා නැ.එයා තමයි දයාන් විතාරන"
ඒකත් කොහොමද වැඩේ නෙහ්.
ඔන්න ඉතින් තුන් වෙනි ලිපියත් ලිව්ව.ටිකක් හරි ගතියක් තිබුන නම් කමෙන්ට් එකක් දාල යන්න අමතක කරන්න එපා.ඒ වගේම මේ ලිපි පෙලේ මුල් ඒව බලනව නම් මෙන්න ලින්ක් දෙක


ඔන්න එහෙනම් මම ගියා.හැමෝටම ජයශ්‍රී!!!




පුංචි රහසක් සමගින්,ගී පද වැලක සුලමුල 2-මගේ පුංචි රෝස මලේ..



ගීයක සුලමුල නමින් දෙවෙනි ලිපියත් ඔන්න දාන්න හිතුනෙ කලින් ලියපු හන්තානට පායන හඳ ගීතයට පාදක උනු පද රචකයගෙ අත්දැකීම් ගැන දාපු ලිපියට හොඳ ප්‍රතිචාර තිබුනු නිසයි.කස්ටිය ඒක බැලුවෙ නැත්නම් මෙතනින් ගිහින් ඒක බලන්න.අද කියන්න යන්නේ මගේ පුංචි රෝස මලේ කියන ගීතයේ පසුබිම් කතාව.දිගටම කියවං ගියොත් වැඩි දෙනෙක් දන්නේ නැති පුංචි රහසකුත් දැනගන්න පුලුවන් වෙයි.

මේ ගීතයට මුල් වෙන්නේ සංගීත ගුරුවරයෙක් ඒ වගේම දැනට ජීවතුන් අතර නැති ප්‍රකට ගායකයෙක්.ඔහු අපේ කතානයක ගීත රචක ධම්මික බන්ඩාරයන්ගේ හොඳම යහලුවෙක්.මොවුන් දෙදෙනා අතර වැඩි වයස් පරතරයක් තිබුනත් හොඳ මිත්‍ර බැදීමක් දෙදෙනා අතර තිබිලා තියනවා.ඒ බැඳීම කොච්චරද කියනවනම් මේ පුද්ගලයා අවුරුද්දකට දෙතුන් පාරක් විතර අපේ පද රචකයගෙ ගෙවල් පැත්තෙ ඇවිත් දවසක් දෙකක් විතර ඉඳලත් යනවලු.කොහොම උනත්  මේ ගුරුවරයා මේ ගෙදෙට්ට ආවම කවුරු හිටියත් නැතත් උදේ දහය වෙනකොට මත්පැන් කාලක් තියෙන්නම ඕනිලු.නැත්නම් එහෙම කම්මුලට අත තියාගෙන දුක සේ ඉන්නවලු බලා ගත්තු අතේ බලාගෙන.ඉතින් මේ බව දැනගෙන මේ ගුරුවරයා එනවනම් කල් ඇතුවම ගෙදෙට්ට මත්පැන් ගෙනත් තියන එක අනිවාර්‍ය දෙයක් උනාලු.
ඔහොම දවසක සතු‍ටු සාමීචියෙ යෙදිලා ඔහොම මෙයා මත්පැන් බොන අවස්ථාවක මේ ගුරුවරයා අපූරු කථාවක් කියලා තියනවා.
"මචං ධම්මික මගෙන් වයලින් ඉගෙන ගන්න එනවා ගැනු ලමෙක්.ඒ ගැනු ලමයට අවුරුදු දහ අටයි.මට හරි පුදුම ආදරයක් තමයි මේ ලමයා ගැන තියෙන්නෙ."
"ධම්මික මට මේ ලමයා ආවේ නැති දවසට උගන්නන්න හිතෙන් නැ.මම සමහර වෙලාවට ජනේලෙන් හතරපස් පාර බලනව මේ ගෑනු ලමයා එනවද කියලා"
ඉතින් ඔහොම කියලා කිව්වම මේ ගැනත් නිකන් කතා කර කර ඉඳලා වෙනදා වගේ පොඩි විහිලුවකුත් කරලා  දෙන්න කතාබහ ඉවර කරලා වෙන් වෙලා ගිහින් තියනවා.
ඔය කථාව කියලා අවුරුදු දෙක තුනක් ගිහින් කොහොම හරි මේ කාලේ වෙනකොට මේ ගුරුවරයගෙ අසනීප තත්වයන් එක්ක වැඩිය එහෙමෙහෙ යන්න එන්න අමාරු තත්වයක් ඇතිවෙලා නිතර නිතර දෙදෙනාට මුන ගැහෙන්න බැරි වෙලා තියනවා.ඒත් කොහොම හරි දවසක  කුමක් හෝ කටයුත්තකට මේ ගුරුවරයගෙ ගෙදෙට්ට ගිහින් තියනව ධම්මික බන්ඩාරයන්.ගෙදර තිබිලා තියෙන්නේ පයාගල.යනකොට ගෙදර හිටියේ පුංචි දුව විතරලු.
සතු‍ටු සාමීචියෙ යෙදිලා ඉන්න වෙලාවලු කෝ දුවේ තාත්ත කියලා ඇහුවම ලමයා කිව්වලු
"මාමේ තාත්ත ගෙදර නැ,..මාමට පුලුවන් නම් යන්න කලුතර රෙස්ට් හවුස් එකට.තාත්ත එතන ඇති"
ඊට පස්සේ ඔන්න ඉතින් ධම්මික බන්ඩාරයන් ගිහින් තියනවා රෙස්ට් හවුස් එකට..මේ වෙලාව කලුතර උසාවියෙ විවේක වෙලාවලු.ඒ නිසා නීතීඤ මහත්තුරුත් ඇවිත් මත්පැන් තොලගගා සතු‍ටු සාමීචියෙ යෙදිලා ඉන්න වෙලාවලු.අපේ ගුරුවරයත් ඈත තනියම මේසෙකට වෙලා හිස මේසෙ මත තියාගෙන ඉන්නව පේනවලු.ඔහොම අර මහත්තුරු ටික එහෙම එහෙට මෙහෙට වෙනකං ඉඳලා අපේ ගීත පද රචකයත් ගිහින් අර මේසේ ඉඳගෙන අඩුව සම්පූර්න කලාලු.
ඉඳගෙන ලගින් හිටියට ගුරුවරයා සද්ද නැතිලු.මේසෙට හිස හරවගෙන ඉන්නවලු.දැං මේ මෙයාට  ටිකක් විතර  වැඩී කියලා තේරුනු නිසා ධම්මික බන්ඩරයන්  කියලා තියනවා ඔයා ඔහොම ඉන්න මම ගිහින් ත්‍රීවීලර් එකක් අරන් එන්නම් කියලා. ඔහොම යන්න හදනකොට අරය ධම්මික බන්ඩාරයන්ව පු‍ටුවෙ වාඩි කෙරෙව්වලු.එහෙම වාඩි කරවල ඔහුගේ අතිං අල්ලගෙන පොඩි දරුවෙක් වගේ එක පාරට ඉකි ගගහා අඬන්න ගත්තලු.

"ඇයි දැං උඹ අඬන්නේ?මොකක්ද සිද්ද උනේ ?"ධම්මික බන්ඩාරයන් ඇහුවලු..

"මචං මගෙන් වයලින් ඉගෙන ගන්න ආපු ගැනු ලමයා ගිය සුමානෙ කසාද බැන්ඳා" කියලා ආයෙත්  හොඳටම අඬන්න ගත්තලු...
ඔහොම ඉකි ගගහා අඬපු ගුරුවරයා තමයි අපි කවුරුත් දන්න මර්වින් පෙරේරා කියනා අසහාය ගායකයා.මේ කාරනය ගීත රචකයා කිසිම ජනමාධ්‍යකින් නම් ප්‍රසි ද් ධ කරල නැ.මට හිතෙන විදියට වැඩි දෙනෙක් නොදන්න රහසක්.අමල් පෙරේරගෙ කැමැත්ත පිට තමයි මේ කාරනය ධම්මික බන්ඩාරයන් හෙලි කලේ.කොහොම උනත් පද රචකයාගේ අත්දැකීම් එක්ක ගලපලා සාර්ථක නිර්මානයක්  විදියට නිර්මානය වෙලා තියන ගීතයක් කිව්වොත් වැඩි දෙනෙක් මාත් එක්ක එකඟ වෙයි.ඔන්න ඉතින් ගීයක සුලමුල දෙවෙනි ලිපියත් දැම්මා .
පුලුවන් නම් කස්ටිය මේ මිතුරු කැලට එක් වෙලා Follow පාරක්  දානවද ලොකු උදව්වක් ?එහෙනම් ඔන්න මම ගියා ජය..ඔක්කොටම ශ්‍රී!!!

අමුතු දත්ත 4 ලු...(Amazing Facts)



මගේ අමුතු දත්ත ලිපි පෙලට හොඳ ප්‍රතිචාර තියනවා.ඉතින් හිතුවා අදත් අමුතු දත්ත ටිකක් දෙන්න.මුල ඒව බැලුවෙ නැත්නම් ඒවට යන්න මෙන්න ලින්ක් ටික


හිපෝලගෙ කිරි රෝස පාටලු

නිල් තල්මහෙකුට එක උගුරට කැලරි 480000 ලබා ගන්න පුලුවන්ලු

කැස්සක වේගෙ සාමාන්‍යයෙන් පැයට සැතපුම් 60ක් විතරලු

කිවිසුමක් යවන හැම වෙලාවකම මොලේ තියන සෛල වලට හානි වෙනවලු

ස්විට්සර්ලන්තෙට අගනගරයක් නැතිලු

බැන්කොක් නගරයේ මුලු නම Krung Thep Mahanakhon Amon Rattanakosin Mahinthara Yuthaya Mahadilok Phop Noppharat Ratchathani Burirom Udomratchaniwet Mahasathan Amon Phiman Awatan Sathit Sakkathattiya Witsanukam Prasitලු

කුරුලු කූඩු වලින් හදන සුප් චීනයේ ජනප්‍රිය ආහාරයක්ලු

කලුකුමෙක් වහින වෙලේ උඩ බැලුවොත් මැරෙන්න ඉඩ තියනවලු

චීනයේ අනතර්ජාල පහසුකම් ලබන අය මිලියන 450ක් ඉන්නවලු.මූනු පොතට ලොව පුරාම ඉන්නෙ මිලියන 500ක්ලු

ඩොලරයක් මාරු කරගන්න විධි 293ක් තියනවලු

කැරපොත්තන්ට එයාගෙ ශරීරයෙන් හිස වෙන්කරගෙන උනත් සති කීපයක් ජීවත් වෙලා ඉන්න පුලුවන්ලු

දිනකට ලෝකය පුරා බැංකු 20ක් මංකොල්ල කෑමට ලක්වෙනවලු

ඉංග්‍රීසි හෝඩියෙ වැඩිපුරම භාවිතා වෙන්නේ E අකුරලු.අඩුවෙන්ම භාවිතා වෙන්නේ Q අකුරලු.

බොහොමයක් ලිප්ස්ටික් වල මාලුන්ගෙ කොරල් අන්තර්ගතයිලු

වසරකට දෙපස පෙනෙන වීදුරු වල වැදීමෙන් කුරුල්ලන් 10000ක් විතර මැරෙනවලු

ලෝකයෙ තියන පත්තර වලින්ම බාගයක්ම මුද්‍රනය කරන්නේ අමරිකාවේ සහ කැනඩාවෙලු

පාදයේ නියපොතු වලට වඩා හතර ගුනයක් වේගයෙන් අතේ ඇගිලි වල නියපොතු වැඩෙනවලු

සාමාන්‍යයෙන් හීනයක් ඉවර වෙන්න විනාඩි විස්සක් විතර යනවලු


අහ් තව දෙයක් කියන්න අමතක උනා.මේ වෙනකම් දාපු ඔක්කොම අමුතු දත්ත ටික මූනු පොතේ page එකක් හදල දාන්න හිතුවා.ඒකටත් පහල ලින්ක් එකෙන් ගිහින් සහයක් දෙනවනම් හොඳයි.තව දන්න කියන අයටත් page එකට invite කරමුද?

අමුතු දත්ත-Amazing Facts